ZORAM TODAY| Aizawl 16th May, 2024: Stephen Lalrinawma MPS, Sr. Superintendent of Police, Traffic chuan Mizoram Sorkar Notification No.B.12021/10/04-TRP Dt.22.8.2008 leh Section 115 & 117 of MV Act 1988-in thuneihna a pek ang leh Deputy Commissioner & Chairman, District Disaster Management Authority, Aizawl District hnen atanga lehkha a hmuh angin, MLA Hostel, Tennis Court bula thingkung zar; mipui leh lirthei veivak tana himlote thlak (cut) leh senghawi anih dawn avangin a hnuaia mi ang hian ruahmanna a siam thu sorkar thuchhuah in a tarlang:

1. Ni 17.5.2024, Zirtawpni ah chawhma Dar 11:00 atanga chawhnu Dar 2:00 thleng hna thawh a ni ang.

2. Ni 18.5.2024, Inrinni ah chawhma Dar 11:00 atanga tlai Dar 3:00 thleng hna thawh a ni ang.

A.  Hnathawh hun chhunga City Bus tlan dan tur:

i. City Bus chhim lam pante chu Treasury Square, Venghlui atangin Republic road-ah chhukin Upper Republic lamah kalin Sikulpuikawnah an chhuak ang.

ii. City Bus hmar lam pante chu Sikulpuikawn atangin Upper Khatlaah kalin, Raj Bhavan North Gate atangin Tennis Court-ah chhukin Temple Square lamah an kal ang.

B.   Hnathawh hun chhunga LMV leh Two Wheeler tlan dan tur:

i. Khatla kawn atanga LMV leh Two Wheeler hmar lam pan turte chu Sikulpuikawn atangin Upper Khatla lamah an kal ang.

ii. Tennis Court atanga Khatla lam kal turte chu Upper Khatla lamah chhoin Sikulpuikawn lamah an kal ang.

Traffic jam avanga harsatna a thlen loh nan, a chunga tarlan kawngpui dungah te hian lirthei dah/park phal a ni lo.

Tin, hei hian chhiatrupna thil; kangmei leh emergency kaihhnawiha duty, dan leh thupek pawimawh bika Police leh Magistrate duty-te chetvelna a huam lo vang.